Ամերիկյան Forbes հանդեսը Հալոուինի նախօրեին հրապարակել է ավանդույթ դարձած ամենահարուստ մահացածների ցուցակը: Առաջին տեղում է երգիչ Էլվիս Փրեսլին: Ռոքնռոլի արքան անցնող տարում աշխատել է 52 միլիոն դոլար, ինչը զարմանալի չէ, քանի որ «Էլվիս» բրենդն են կրում ռադիոշոուներ, խաղային ավտոմատներ եւ կիթառներ: Ուշագրավն այն է, որ Էլվիսը աշպատանքային կապիտալով առաջ է անցել իր ողջ կոլեգաներից` Ջասթին Թիմբերլեյկից (44 միլոն դոլար) եւ Մադոննայից (40 միլոն դոլար): Ամենահարուստ ննջեցյալների ցուցակում երկրորդ հորիզոնականն է զբաղեցնում ծաղրանկարիչ` Սնուպի շնիկի ստեղծող, Չարլզ Շուլցը, որը մահացել է 2000 թվականին 77 տարեկան հասակում: Անցած տարի նրա ժառանգորդները պայմանագիր կնքեցին Warner Brothers ընկերության հետ, որը նրան դուրս բերեց ամենահարուստ ննջեցյալների երկրորդ հորիզոնական (33 միլոն դոլար): Երորդ տեղում է դերասան Հիթ Լեջերը (20 միլոն դոլար): Ֆինասապես հաջողակ ննջեցյալների ցուցակում ընդգրկված են նաեւ ֆիզիկոս Ալբերտ Էյնշտեյնը, «Բեվերլի Հիլզ 90210» հեռուստասերիալի պրոդյուսեր Ահարոն Սպելլինգը, գրող Թեոդոր Գեյզելը, երաժիշտ Ջոն Լենոնը, նկարիչ Էնդի Ուորհոլը, դերասանուհի Մերելին Մոնրոն, դերասաններ Սթիվ ՄակԿուին, Փոլ Նյումենը եւ Ջեյմս Դինը: