ԿԱԹԻԼ

Դավաճունության պատճառը հորմոններն են

katil — Sun, 18 Jan 2009 16:04:16 GMT

Ամենրիկյան գիտնականները հայտնաբերել են, որ կանայք, որոնց մոտ սեռական էստրադիոլ հորմոնի մակարդակը բարձր է, չեն բավարարվում իրենց զուգընկերներով եւ ավելի են հակված դավաճանության: Բացի այդ, այդպիսի կանայք, որպես օրենք, ավելի սեքսուալ արտաքին ունեն ինչպես իրենց, այնպես էլ շրջապատի աչքերում:

Տեխասի համալսարանի հետազոտողները որոշել են ուսումնասիրվող 17-ից 30 տարեկան 50 կանանց էստրադիոլի մակարդակները: Որից հետո խնդրել են նրանց, պատմել իրենց կարծիքով որքան գրավիչ են իրենք իրենց զուգընկերների համար ու նաեւ ասել, թե քանի պարտնյոր են նրանք ունեցել եւ որքան հաճախ են փնտրել կարճ կամ երկարատեւ սեռական հարաբերույթյուններ: Ուսումնասիրվող կանանց լուսանկարները գնահատվել են նաեւ անկախ տղամարդկանց ու կանանց խմբի կողմից:

Միաժամանակ, նրանց, ովքեր հետազոտության ժամանակ զուգընկեր են ունեցել, խնդրել են նաև գնահատել սեփական հավատարմությունը պարտյորների նկատմամբ, զուգընկերների հետ հարաբերություններից էմոցիոնալ ու սեքսուալ բավարարվածությունը:

Արդյունքները ցույց են տվել, որ էստրադիոլ հորմոնի ավելի բարձր մակարդակ ունեցող կանանց մոտ մեծ է այլ տղամարդկանց հետ սիրախաղելու ու լուրջ հարաբերությունների մեջ մտնելու հակումը: Բայց եւ այնպես մեկանգամյա պատահական հարբերությունները հորմոններից կախված չեն: Հետազոտությունները ցույց են տվել նաեւ, որ էստրադիոլի բարձր մակարդակ ունեցող կանայք ընտրում են տղամարդկային սեռական հորմոն տեստոստերոնի բարձր մակարդակ ունեցող զուգընկերներ:

Նմանատիպ հորմոնային գործընթացները առայժմ լիովին ուսումնասիրված չեն:

Մուշեղ Բաբայան

Սուրճը հալյուցինացիաներ է առաջացնում

katil — Thu, 15 Jan 2009 08:12:23 GMT

Հետազոտությունները ցույց են տվել, որ ցանկացած տեսակի սուրճի չարաշահումը առաջ է բերում հալյուցինացիաներ. սկսում են լսել ձայներ եւ տեսնել այն, ինչն իրականում չկա:

Պարզվում է, որ օրեկան 7 եւ ավելի բաժակ լուծվող սուրճի օգտագործումը լուրջ վտանգի տակ է դնում հոգեկան առողջությունը, իսկ բնական սուրճի (սեւ սուրճ) 3 բաժակը բավական է հոգեկան աշխարհի անվերադարձ խաթարման համար:

Բնական սուրճի մեջ կոֆեինի պարունակությունը շատ չնչին է ավելի լուծվող սուրճում դրա պարունակությունից, սակայն օրգանիզմին պատճառված վնասակար ազդեցության արդյունքները տարբերվում են երկրաչափական պրոգրեսիայով:

Նախկինում կատարված հետազոտությունները ցույց են տվել, որ սուրճի օգտագործումը արագացնում է սրտի աշխատանքը, առանջացնում է անքնություն եւ նույնիսկ պակասեցնում հղիության հավանականությունը: Նոր հետազոտության արդյունքների համաձայն սուրճը խաթարիչ ազդեցություն է ունենում նաեւ մարդու հոգեբանության վրա: «Սուրճի չափից շատ օգտագործումից հետո հետազոտվողներից որոշները հալյուցինացիաներ են տեսնում, մյուսները ձայներ են լսում: Այն դեպքում, երբ նախկինում նրանց մոտ նման բաներ չեն եղել». պատմում է Դյորհեմ համալսարանի գիտնական Սայմոն Ջոնսը:

Մանրակրկիտ ուսումնասիրության համար Ջոնսը հրավիրել էր 200 ուսանողների, որոնք ըդունել էին տարբեր տեսակի կոֆեիններ. սուրճ, թեյ, շոկոլադ (նաեւ կոնֆետի տեսքով): Փորձերի մասնակիցներից շատերը հաստատեցին հալյուցինացիայի առաջացման փաստը, իսկ ուսանողներից մեկը խոստովանեց նաեւ, որ զգացել է մահացաց մարդկանց ներկայությունը իր կողքին:

Հետագա ուսումնասիրությունները հաստատեցին փաստը կոֆեինի եւ հալյուցինացիաների միջեւ եւ պարզվում է, որ դրանք կապված են ուղիղ համեմատական կապով, այսինքն` օրեկան 3 գավաթ սուրճը 3 անգամ ավելի է մեծացնում հալյուցինացիաների հավանականությունն ու հաճախականությունը, քան օրեկան 1 բաժակը: Գիտնականները համոզված են, որ կոֆեինը ուժեղ սթրես է առաջացնում ամբողջ օրգանիզմում, ինչն էլ, բացի ֆիզիոլոգիական ազդեցություններից, պատճառ է դառնում նաեւ հալյուցինացիաների:

Գիտությանը վաղուց հայտնի են մի շարք մթերքներ, որոնք նույնպես հալյուցինացիաներ են առաջացնում: Դրանցից է նաեւ շաքարում (շաքարավազում) պարունակվող գլյուկոզան: Այստեղից հետեւում է, որ հալյուցինացիաների հավանականության ու հաճախականության վրա տարբեր ազդեցություն ունեն դառը եւ քաղցր սուրճերը: Գիտնականները նախատեսում են շարունակել հետազոտություններն ու փորձերը, որպեսզի պարզեն մարդու հոգեկանի վրա ազդեցություն ունեցող բոլոր մթերքների շարքը:

Ի դեպ` Շվեցիայի գիտնականների հետազոտությունների արդյունքների համաձայն, մարդու օրգանիզմում կոֆեինի պարունակության ավելցուկը առաջացնում է սեքսուալ կարողության անկում, մազաթափություն, մտավոր ունակությունների կրճատում եւ մեծացնում է քաղցկեղով հիվանդանալու հավանականությունը: Սակայն, սրանք դեռ նախնական արդյունքներ են ու պետք է ենթաարկվեն փորձարկումային ստուգումների:

Մուշեղ Բաբայան

Տեսնեմ կոկոսի համն էլ…

katil — Fri, 19 Dec 2008 10:47:29 GMT

«Playboy»-ի իմպերիայի հիմնադիր 82-ամյա Հյու Հեֆների ճաշակը այս տարի կանգ է առել ԱՊՀ-ում: Նա տարվա աղջիկ է ընտրել 23-ամյա ուկրաինուհի Դարյա Աստաֆեւային:

Հեֆի խոսքերով, հենց սկզբից նա տարվեց Դարյայի գեղեցկությամբ, որոհետեւ վերջինս հիշեցնում էր իր երիտասարդության սիրուն` 1950-ական թվականների էրոտիկ ֆիլմերի դերասանուհի Բետտի Փեյջին:

Աստաֆեւան Հեֆների հայտնի «Playboy Mansion» առանձնատուն էր ժամանել դեկտեմբերի մեկին` 2 շաբաթ բնակվելով «Bunny House» տնակում, որտեղ բնակվում են հիմնականում ամենահեռանկարային մոդելները Հեֆների անմիջական հրավերով: «Նապաստակների» տնակը ունի երեք պահարանասենյակ, երկու բաղնիք, եւ մեկ հիդրոլոգարան:

Դարյա Աստաֆեւան պայմանագիր է ստորագրել «Playboy» հանդեսի հետ այն մասին, որ երկու տարվա ընթացքում իրավունք չունի մերկ նկարահանվել այլ պարբերականների համար: 82-ամյա մեդիամագնատի կարծիքով այդ ժամանակահատվածը կբավարարի ուկրաինուհուն իսկական աստղ դարձնելու համար:

Աստաֆեւայի կարիերան վերելք ապրեց, երբ նա դարձավ ուկրաինական «Playboy»-ի տարվա աղջիկ: Որից հետո նրան հրավիրեցին Լոս-Անջելես` ծանոթանալու անձամբ «Playboy»-ի հիմնադրի հետ:

Առաջին անգամ Դարյան Բեվերլի Հիլզ ժամանեց 2008 թվականի օգոստոսին եւ անմիջապես ներգրավվեց քասթինգում: Գլխավոր շիկահեր Հոլլի Մեդիսոնը արդեն լքել էր Հեֆին եւ նա փոխարինող էր փնտրում նրա համար (ըստ ավանդույթի «Playboy Mansion» առանձնատանը երեք աղջիկ է բնակվում):

Աստաֆեւվայի առաջին նկարահանումներից հետո Հեֆը հայտարարեց. «Ամբողջ աշխարհն արդեն վաղուց տպավորված է ռուս եւ ուկրաինուհի մոդելներով: Սուպերմոդելի կոչմանն արժանացած աղջիկները, ինչպիսիք են Ժիզել Բունդհենը, Քեյթ Մոսսը եւ Նաոմի Քեմփբելը, առայժմ անփոխարինելի են: Երեւում է, ես նոր աստղ եմ գտել, այնքան փայլուն ինչպիսն Նատալյա Վոդյանովան է»:

Ուկրաինուհին Հեֆի հետ առաջին ծանոթությունից հետո խոստովանեց. «Նկարահանումներից հետո ես զգում էի ինձ ինչպես լավ սեքսից հետո», իսկ նկարահանվել Դարյան սիրում է մերկ:

- Ես հանգիստ դուրս էի գալիս տանից մերկ եւ գնում էի լողավազան, իսկ երեկոներին մենք մերկ լողանում էինք հիդրոլոգարանում: Ես դեմ չէի լինի դառնալ միսիս Հեֆներ-Աստաֆեւա,- պատմում է Դարյան միլիոնատեր մեդիամագնատի հետ առաջին հանդիպումից հետո, որի կարողությունը գնահատվում է 500 միլիոն դոլարի չափով:

Ի դեպ`. առանձնատանը բնակվող «նապաստակները» մտնում են Հեֆի կտակի մեջ եւ 500 միլիոնից բաժին է հասնում նաեւ նրանց: Առայժմ «նապաստակները» երկուսն են. 23-ամյա Կենդրա Վիլկինսոնը եւ 34-ամյա Բրիջիտ Մակվորդտը: Ամենայն հավանականությամբ Աստաֆեւան շուտով կտեղափոխվի առանձնատուն մշտական բնակություն հաստատելու նպատակով եւ կդառնա Հեֆների երորդ սիրելի «նապաստակը»` փոխարինելով հյուրընկալ տունը լքած 29-ամյա Հոլլի Մեդիսոնին:

Մելինե Գեվորգյան

Օդնոկլասնիկները բոյկոտում են

katil — Fri, 19 Dec 2008 09:04:00 GMT

«Օդնոկլասնիկի» հասարակական ցանցի մի խումբ օգտվողներ բոյկոտ են կազմակերպում այդ ռեսուրսի դեմ` դրանով արտահայտելով իրենց անգոհունակությունը կայքում գրանցման եւ մի շարք նոր ծառայությունների վճարովի դառնելու համար:

Հիշեցնենք, որ նոյեմբերի սկզբին «Օդնոկլասնիկի»-ն վճարովի դարձրեց ցանցում գրանցումը` բացատրելով այդ քայլը որպես սպամներից պաշտպանվելու փորձ: Իսկ վերջին շրջանում մեկը մյուսի ետեւրից հայտնվեին մի շարք վճարովի ծառայություններ: Սա առաջին հերթին վնասում է «Օդնոկլասնիկների» համերաշխ ու միաբան գաղափարին. նրանք ինքնաբերաբար տարանջատվում են վճարունակ ու ոչ վճարունակ խմբերի: Ընդ որում վճարովի ծառայությունները ստրատեգիական զարգացում են ապրում. սկզբում առաջարկվեց վճարելու միջոցով պաշտպանել նկարները վատ գնահատականներից, որից հետո վճարովի դարձավ նաեւ գնհատումը: Օրինակ`. «5+» գնահատական նշանակելու համար գնահատողը SMS հաղորդագրություն պիտի ուղարկի նշված հեռախոսահամարին: Ցանկության դեպքում կարելի է միացնել վճարովի «անտեսանելի» ռեժիմը: Իսկ վերջերս հայտնվել է նոր ծառայություն. «ընկերների ակտիվության ժապավեն»: Այս ծառայությունը տրամադրում է պարտադիր կերպով, սակայն այն անջատել կարելի է միայն վճարելու միջոցով: Շատ մարդկանց սա ուղակի հարկավոր չէ ու նույնիսկ խանգարում է` ազդելով նյարդերի վրա:

«Օդնոկլասնիկների» բոյկոտող խումբը առաջարկում է օգտվողներին հնարավորության դեպքում դեկտեմբերի 23-25-ը չայցելել կայքմ իսկ 25-31 մասնակցել «Լռության ժամանակահատված» ակցիային` առավելագույնս պակասեցնելով ակտիվությունը ցանցում:

Թե ինչ հաջողություն կունենա «Օդնոկլասնիկների» բոյկոտը ժամանակը ցույց կտա, սակայն այն որ դրա արդյունքում հասարակական ցանցի բյուջեն մեծ կորուստ կունենա, սպասելի է:

Մուշեղ Բաբայան

Թեյլորը հրաժեշտ կտա հարազատներին

katil — Thu, 18 Dec 2008 07:53:52 GMT

Լեգենդար դերասանուհի Էլիզաբեթ Թեյլորը հոգնել է հիվանդությունների հետ պայքարելուց: 76-ամյա գեղեցկուհին, որի համար խենթանում էին իր ժամանակի երիտասարդ տղաները ու հասուն տղամարդիկ, վերջին շրջանում գրեթե անընդհատ հիվանդանոցում է: Չնայած աննկարագրելի տանջանքներին, Թեյլորը միշտ պայքարել է, սակայն այլեւս ուժ չունի:

Եթե հիշենք, որ Թեյլորը իր կյանքի ընթացքում տարել է 13 տարբեր վիրահատություններ, հաղթել է գլխուղեղի ուռուցքին, երկու անգամ մահից է փրկվել թոքերի բորբոքումից (երկրորդը այս ամռանը), ապա այս կնոջը կարելի է հերոս անվանել:

Մոտակա ժամանակներում Էլիզաբեթը մտադիր է Ամերիկայից մեկնել Անգլիա, որտեղ ապրում են նրա բազմաթիվ հարազատները: Դերասանուհու բժիշկները խորհուրդ են տալիս թռիչքը կատարել որքան հնարավոր է արագ, քանի որ նրա վիճակը կարող է կրկին վատանալ ցանկացաց պահի: «Հիվանդությունների հետ պայքարում ուժերը անհավասար են դարձել,- ասել է Թեյլորը,- Սակայն ես ոչ մի բանից չեմ բողոքում: Չնայած ամեն ինչին` կյանքը ստացվեց»:

Մելինե Գեվորգյան

«Միս Աշխարհ 2008»-ը Քսենիա Սուխինովան է

katil — Sat, 13 Dec 2008 23:03:11 GMT

21-ամյա ռուս Քսենիա Սուխինովան հաղթեց «Միս Աշխարհ 2008»-ում, որն անց էր կացվում Հարավային Աֆրիկայում:

Քսենիան ծնվել է Նիժնեվարտովսկում: Զբաղվում է գեղարվեստական գիմնաստիկայով, լողով եւ բիաթլոնով: Այժմ սովորում է Տյումենի նավթոգազային համալսարանում:

«Միս Աշխարհ 2008»-ի ուղեգրի ճանապարհին Քսենիան հաղթեց նախ Տյումենի գեղեցկության մրցույթում, ապա դարձավ նաեւ «Միսս Ռուսաստան 2007», որն էլ դարձրեց նրան «Միս Աշխարհ 2008»-ի 109 մասնակից երկրներից մեկի ներկայացուցիչը:

Մինչ «Միս Աշխարհ 2008»-ի թագը կրելը, Քսենիան առաջինը եղավ նաեւ «Միս Աշխարհ թոփ-մոդել» մինի-մրցույթում եւ 3-րդ տեղը գրավեց «Միս Աշխարհ ծովափի գեղեցկուհի» ցուցադրությունում:

«Միս Աշխարհ 2008»-ի երկրորդ տեղում հնդկուհի Պարվատի Օմանկուտանն է, իսկ երրորդում Տրինիդադ եւ Տոբագոն ներկայացնող Գաբրիել Ուոլկոտտը:

Դիտել «Միս Աշխարհ 2008» Քսենիա Սուխինովայի նկարները

Մելինե Գեվորգյան

Միկի Մաուսը 80 տարեկան է

katil — Sat, 13 Dec 2008 19:12:44 GMT

Լրացավ կինեմատոգրաֆիայի պատմության մեջ ամենահայտնի կինոպերսոնաժ Միկի Մաուսի 80 ամյակը: Հայրենիքում նրա ճանաչելիության վարկանիշն ավելի բարձր է քան Սանտա Կլաուսինը: Նրա կերպարն այսօր շուրջ երեք միլիոն դոլարի արժեք ունի:

Միկին «լույս աշխարհ եկավ» 1928 թվականին: Այդ ժամանակ Ուոլտ Դիսնեյի Ստուդին աշխատում էր բավականին հայտնի «Օսվալդ-երջանիկ նապաստակ» անիմացիոն հեռուստասերիալի վրա, որի հեղինակային իրավունքները պատկանում էին Չարլզ Մինցին, որը ներկայացնում էր Universal կինոընկերությունը: 1927-ի վերջին, բյուջեի մեծացման մասին Դիսնեյի հերթական խնդրանքից հետո, Չարլզը կաշառեց նրա ստուդիայի աշխատակազմի մեծ մասին եւ «մեծահոգաբար» պատրաստակամություն հայտնեց շարունակել համագործակցել ապագա աշխարահռչակ մուլտիպլիկատորի հետ, եթե վերջինս համակերպվի ֆինանսավորման զգալի կրճատման հետ:

Մեկ ուրիշը Ուոլտ Դիսնեյի փոխարեն քաշքշուկների մեջ կընկներ, ամեն ինչ կաներ որպեսզի պատռի դավաճան կոլեգաների ու ընկերների դիմակները... Ի վերջո դատական գործ կսկսվեր, որը հաստատ կաշխատեր ավելի հարուստ ու հայտնի ընկերության (Universal) հարուստ ու հայտնի աշխատակցի օգտին: Եթե նույնիկ ինչ-որ հրաշքով Դիսնեյին հաջողվեր հասնել արդարադատության, ապա առողջության եւ ժամանակի հատուցումով. երկու ամենաանհրաժեշտ բաները իրական նպատակներ ունեցող արվեստագետի համար: Դիսնեյը որոշեց ավարտին հասցնել պայմանագրով որոշված աշխատանքը Օսվալդ նապաստակի վրա, իսկ հետո ստեղծել նոր պերսոնաժ, որը արագ եւ առանց հատուկ ջանքերի կընդհատի Օսվալդի երջանիկ կյանքը:

Շատ սեղմ ժամկետում ստեղծվեց նոր ստուդիա, որը կազմված էր ընդամենը 3 հոգուց, որոնցից մեկը հենց ինքը Ուուլտ Դիսնեյն էր, մյուս երկուսը իրեն ամենահավատարիմ մնացած անիմատոր Յուբա Այվերսկան եւ ռեժիսոր Լեսա Կլարկան: Եվ սկսեց եռալ աշխատանքը: Ընդամենը մի քանի ամսվա ընթացքում եռյակը ստեղծեց անթիվ ու անհամար կենդանական ներկայացուցիչներ` խոսացող կովեր ու պարող ձիեր, ուրախ գորտեր ու ալեզարդ շներ, որոնք բոլորը հետագայում պիտի գրավեին իրենց «պաշտոնները» դիսնեյյան իմպերիայում, սակայն այդ ժամանակ ինչ-որ այլ բան էր հարկավոր:

Ամերիկյան հանդիսատեսը 1928 թվականի մայիսի 15-ին ծանոթացավ չքնաղ զույգի` Միկկի եւ Մինի մկնիկների հետ: Սկզբում Դիսնեյը որոշել էր մկնիկին անվանել Մորտիմեր, սակայն նրա կինը` Լիլիանը համոզելու միջոցով ստիպեց Դիսնեյին փոխել որոշումը:

Հերոսի առաջին էկրանավորումը մեծ հետաքրքրություն չառաջացրեց հանդիսկանների եւ քննադատների շրջանում: Այդ է պատճառը, որ մայիսի 15-ը պաշտոնապես չի համարվում Միկիի ծննդյան օր: Պահանջվեց էլի մի քանի ամիս քրտնաջան աշխատանք, որի ընթացքում ստեղծվեցին էլի մի քանի մուլտֆիլմեր: 1928 թվականի նոյեմբերի 18-ին էկրան բարձրացավ «Ուիլիի շոգենավը», որը շրջադարձային եղավ Միկիի համար:

Մուշեղ Բաբայան

Աշխարհի ամենասեքսուալ կինը

katil — Sun, 07 Dec 2008 21:31:00 GMT

Հեռուստատեսային E! ցանցը հրապարակել է երկրագնդի ամենասեքսուալ կանանց ցուցակը: Առաջին հորիզոնականում է կանացի ներքնաշորերի համաշխարհային բրենդ Victoria's Secret-ի հայտնի մոդել, ազգությամբ չեխ, 24-ամյա Կարոլինա Կուրկովան, որը Forbes հանդեսի ամենապահանջված մոդելների ցուցակում վեցերորդն է: Victoria's Secret-ի նրա կոլեգաներ Ժիզել Բունդհենը, Ադրիանա Լիման եւ Հեյդի Կլումը ամենասեքսուալ կանանց ցուցակում համապատասխանաբար զբաղեցնում են չորրորդ, վեցերորդ եւ յոթերորդ տեղերը:

Հայտնի դերասանուհի Անջելինա Ջոուլին, որը երկար ժամանակ համարվում էր երկրագնդի ամենագեղեցիկ կինը, այս տարի զբաղեցրելը ընդամենը երորդ հորիզոնականը:

1. Կարոլինա Կուրկովա
2. Բար Ռաֆաելի
3. Անջելինա Ջոուլի
4. Ժիզել Բունդհեն
5. Սկարլետ Յոհանսոն
6. Ադրիանա Լիմա
7. Հեյդի Կլում
8. Պենելոպե Քրուզ
9. Մանուելա Արչուրի
10. Շակիրա

Դիտել աշխարհի ամենասեքսուալ կանանց նկարները

Մելինե Գեվորգյան

«Եվրատեսիլի» մեկնաբանը հեռանում է

katil — Sun, 07 Dec 2008 14:50:24 GMT

Հայտնի բրիտանական հեռուստա-ռադիոհաղորդավար Թերրի Վոգանը վերջնական որոշում է կայացրել` հեռանալ Եվրատեսիլի մեկնաբանի պաշտոնից: Նրա կարծիքով այդ մրցույթը ավելորդ քաղաքականեցված է:

Իռլանդացի Թերրի Վոգանը, որի 70-ամյակը լրացավ օգոստոս ամսին, եղել է Եվրատեսիլի անփոփոխ մեկնաբանը վերջին 35 տարիների ընթացքում: Մեծ մասամբ նրա շնորհիվ է, որ Եվրատեսիլի նկատմամբ հետաքրքրությունը դեռեւս չեն կորցրրել բրիտանիացիները, որոնք արդեն երկար տարիներ հաջողություն չեն ունենում այդ մրցույթում:

Դեռ 2002 թվականին էստոնական Տալլինում, վախենալով Վոգանի հնարավոր բացասական արձագանքից, նախօրոք հատուկ հայտարարություն արվեց, որում կոչ էր արվում ուշադրություն չդարձնել Վոգանի մեկնաբանություններին` բացատրելով նման դիրքորոշումը իռլանդացու իբր խմիչքի հանդեպ սիրով:

Հենց Վոգանին է պատկանում հայտնի «Արեւմտյան Եվրոպան հաղթեց սառը պատերազմում, սակայն պարվեց Եվրատեսիլում» արտահայտությունը: Սակայն, վերջին տարիներին Վոգանի կատակները հետզհետե սակավացան, փոխարինվելով բողոքներով, այն մասին որ մրցույթում քվեարկությունը քաղաքականեցված է: Իսկ Դիմա Բիլանի հաղթանակից հետո մեկնաբանը խոստացավ շատ շուտով հեռանալ Եվրատեսիլից:

- Ես ափսոսում եմ, որ պիտի թողնեմ այս ամենը անցյալում: Ես 35 հիանալի աշխատանքային տարիներ եմ ապրել Եվրատեսիլի հետ: Ամբողջ ընթացքը` սկսած իմ վարած առաջին մրցույթից, որը տեղի ունեցավ դուբլինյան փոքրիկ երաժշտական սրահում, մինչեւ վերջինը` բելգրադյան մեծ դահլիճը, ամբողջությամբ լցված է եղել ծիծաղով ու զվարճանքով-, ասել է Թերրի Վոգանը:

Վոգանը հաջողություն է մաղթել BBC-ի հաղորդավար Գրեմ Նորտոնին, որը եկող տարի սկսելու է մեկնաբանել Եվրատեսիլ մրցույթը: Նորտոնը, որը նաեւ Եվրատեսիլի պարային մրցույթների մեկնաբանն է, Վոգանին ասել է, որ ինչ-որ մեկը պիտի ստանձներ այդ պարտականությունը եւ ինքը չէր կարող ասել «ոչ»: Նա ավելացրել է նաեւ, որ անհամբերությամբ սպասում է մոսկովյան Եվրատեսիլին:

2009 թվականին Եվրատեսիլի պատմության մեջ առաջին անգամ մրցույթը անց կկայանա Ռուսաստանում:

Գուցե գործն այլ ընթացք ունենար, եթե Գրեմ Նորտոնը նույնպես հրաժարվեր Եվրատեսիլի մեկնաբանի պաշտոնից: Չնայած` ի վերջո կգտնվեր մեկը, որը կհամաձայներ վարել Եվրատեսիլը. թեկուզ ոչ պրոֆեսիոնալ որեւէ մեկը: Քանի որ խաղի կանոնները թելադրողի համար պրոֆեսիոնալիզմն ու բարձ մակարդակը երկրորդական են, գլխավորը` խաղի ելքն ու եկամուտն է…

Մուշեղ Բաբայան

Հոլիվուդի ամենագեղեցիկ աստղը երջանիկ չէ

katil — Sat, 06 Dec 2008 19:34:11 GMT

Դերասանուհի Ջենիֆեր Էնիսթոնը հայտնվել է «Vogue» պարբերականի պաստառին: Նա ճանաչվել է Հոլիվուդի ամենագեղեցիկ մարմինի եւ ամենասեքսուալ բիկինի-կին:

Ինչպես խոստովանում է Ջենիֆերը, 39 ամյա հասակում նա վերջապես հասավ մարմնի այնպիսի կառուցվածքին, որի մասին երազել է 16 տարեկանից: Մորից ժառանգած գիրանալու հատկությունը նրան ստիպել է երկար աշխատել սեփական մարմնի վրա, քանի որ մանկուց գիրուկ է եղել: Սակայն, Բրեդ Պիտի նախկին կինը խոստովանում է նաեւ, որ ուրախությամբ կփոխեր շքեղ կառուցվածքը ընտանեկան երջանկության հետ:

«Ընկերներ» սերիալում նկարահանվելու համար Էնիսթոնը նիհարեց 17 կիլոգրամ եւ 3 պլաստիկ վիրահատություն կատարեց, որպեսզի փոխի հունական քիթն ու ազատվի հորից ժառանգած մեջքի կառուցվածքից:

Էնիսթոնը անկեղծ հարցազրույց է ունեցել «Նյու-Յորք Թայմս»-ի հետ, որի ժամանակ խոսել է Բրեդ Պիտի եւ իր բաժանության մասին, ինչը հրաժարվում էր անել 3 տարի շարունակ: Հարցազրույցում նա ասել է, որ Անջելինա Ջոուլին սանձարձակ է ու երկերեսանի: Ինչպես նաեւ նշել է, որ ինքը «միայնակ ու լքված ծիտիկ չէ»:

- Ես կարծում եմ, որ սիրո հարցում հաջողակ եմ… Հիմա ես չեմ մտածում ապագայում ես միայնակ կմնամ, թե կհայտնվի իմ կյանքում ինչ-որ մեկը: Ես վստահ եմ. Հիմա ինձ հետ կատարվում է այն, ինչ որ պիտի կատարվեր: Պետք է նշեմ նաեւ, որ բաժանությունը իմ հիշողության մեջ այնքան խավար ու հեռու է, որ նույնիսկ ես չեմ կարող հիշել մանրամասնությունները- ասել է Ջենիֆերը:
- Այդ կինը դեռ շատ կփորփրի անցյալը,-այս առիթով ասել է Բրեդ Պիտը:

Երեւում է Պիտն ու Ջոուլին թաքցնելու ինչ-որ բան ունեն եւ չեն ցանկանում կասկածի տակ դնել հոգատար բազմազավակ ծնողների լավ մշակված իրենց իմիջը:

Մուշեղ Բաբայան