Մեքենայի ընթացքի ժամանակ SMS գրող վարորդները ավելի վտանգավոր են, քան հարբած կամ թմրանյութի ազդեցության տակ գտնվող վարորդները: Այսպիսի եզրահանգման են եկել Անգլիայի տրանսպորտի գերատեսչության հետազոտական լաբորատորիայի փորձագետները` ուսումնասիրելով SMS հաղորդագրությունների ծառայությունից առավել հաճախ օգտվող վարորդների շրջանակը, որոնք հիմնականում երիտասարդ սերնդի ներկայացուցիչներ են` 17-24 տարեկան: Պարզվել է, որ SMS գրելու ժամանակ վարորդի զգոնությունը ընկնում է 35%-ով, այն դեպքում, երբ թույլատրելի քանակով ալկոհոլ օգտագործած վարորդի զգոնության անկումը ըդհամենը 12% է, իսկ մարիխուանա օգտագործելու դեպքում այդ ցուցանիշը 21% է: Հաղորդագրություն գրող վարորդի Ճանապարհից շեղվելու հավանականությունը կազմում է 91%, իսկ թմրանյութի ազդեցության տակ գտնվողինը` 35%: Անգլիայի ճանապարհային ոստիկանները խոստովանել են, որ հաղորդագրություն գրող կամ կարդացող վարորդի ղեկավարումը գրեթե անհնար է: