Եվրատեսիլ է վերադառնում օբյեկտիվ դատը: Մրցույթի կազմակերպիչների կարծիքով հանդիսատեսի քվեարկությունը արդյունավետ ու օբյեկտիվ չէ: 2009 թվականին Մոսկվայում կայանալիք Եվրատեսիլում կատարողներին գնահատելու են ոչ միայն հանդիսատեսը, այլ նաեւ ժյուրիի անդամները: Ժյուրին կազմվելու է յուրաքանչյուր երկրից ընտրված հատուկ անդամներից: Սրանով փորձ կարվի հավասարակշռել լավագույն կատարողների միջեւ պայքարը: Քվեարկման այս համակարհի ետ բերելու որոշմանը դրական են արձագանքել ե’ւ երաժիշտ-քննադատները, ե’ւ մրցույթ-փառատոնի կազմակերպիչ կոմիտեն: Հիշեցնենք, որ այս համակարգը Եվրատեսիլում գործել է մինչ 1997 թվականը: Հենց այդ թվականին փորձ արվեց առաջին անգամ քվեարկումն իրականացնել հանդիսատեսի միջոցով: Հենց սկզբից այս որոշումը շատ քննադատների անգոհունակությանը արժանացավ: Որոշվեց որ յուրաքանչյուր երկիր պիտի քվեարկի ցանկացաց երկրի ներկայացուցչի օգտին, բացի իր երկրից, սակայն սա էլ չապահովեց երաժշտագետների ու երաժշտասերների վստահությունը առ այն, որ քվեարկությունը օբյեկտիվ է լինելու: Հանդիսականի քվեարկությունը ունի 2 խնդիր: Առաջին. Բացառված չէ հանդիսատեսին «հիպնոսելու» տարբերակը եւ առաջին տեղեր կարող են գրավել այնպիսի աճպարարներ, իպիսիք են օրինակ Վերկա Սերդյուչկան կամ ֆիննական «Lordi»-ի գազանիկները: Երկրորդ. հանդիսականի մեծ մասը քվեարկում է ոչ թե կատարողի, այլ երկրի օգտին: Էլ չենք խոսում այն մասին, որ վերին հորիզոնականներում կարող են հայտնվել իրենց ոտքերը վարպետորեն ցուցադրող «վուլգար մանեկենները», ինչպիսին օրինակ ուկրաինուհի Անի Լորակն է: Քվեարկման նախկին համակարգի հետ բերման որոշումը կայացվեց այն բանից հետո, երբ բրիտանացի մեկնաբան Թերի Վոգանը հայտարարեց, որ պատրաստվում է հեռանալ աշխատանքից Դիմա Բիլանի հաղթանակի պատճառով: Նրա հայտարարությունում մասնավորապես նշվում է, որ Բիլանի հաղթանակը քաղաքականեցված էր եւ որ Էստոնիան, Լատվիան, Լիտվան. Բելոռուսը, Հայաստանը եւ Իսրայելը Բիլանի օգտին են քվեարկել միայն քաղաքական պատճառներից ելնելով: Ինչպես նշում են BBC-ի լրագրողները, տեղեկանալով Բիլանի քվեարկության ընթացքի մասին` Վոգանը ուղիղ եթերում ասել է. «Ուղղակի Ուկրաինան ցանկանում է նախկինի պես Էլեկտրոներեգիա ու գազ ստանալ»: Առաջիկա շաբաթվա ընթացքում մրցույթի ղեկավարությունը նիստ կանցկացնի, որի ժամանակ կորոշվի` առավելությունը տրվելու է ժյուրիի գնահատականին, թե հանդիսատեսի: