65 տարեկան հասակում քաղցկեղից մահացել է Pink Floyd խմբի ստեղնահար, ռոք-լեգենդ Ռիչարդ Ռայթը: Ծնվել է 1943 թվականի հուլիսի 28-ին Լոնդոնում: Դպրոցն ավարտելուց հետո նա ուսումը շարունակում է Regent Street Polytechnic-ում` ճարտարապետի մասնագիտությամբ: Այնտեղ նա ծանոթանում է Նիկ Մեյսոնի եւ Ռոջեր Ուոթերսի հետ: 1965 թվականին ուսանողները խուբ են հիմնում Architechtural Abdabs անունով: Հետագայում նրանց է միանում պոետ, կիթառահար, էկսցենտրիկ Սիթ Բարրեթը: Հետագայում խումբը վերանվանվում է Pink Floyd-ի: Pink Floyd-ը ամենահայտնի ռոք խումբը դարձավ երկրագնդի վրա The Beatles-ից հետո: - Նա իմ ընկերն էր: Նա անփոխարինելի է… Pink Floyd-ին գովաբանելիս` միշտ մոռանում են, թե ինչպիսի կարեւորագույն դեր ունեցավ Ռիչը: Նրա սինթեզատորի հոգեհան երաժշտությունը եւ մաքուր դաշնամուրային մեղեդին խմբի <<ձայնի>> յուրահատկությունն են,- ասում է խմբի կիթառահար Դեվիդ Գիլմորը, որը խմբին էր միացել 1968 թվականին Սիթ Բարրեթի խմբից հեռանալուց հետո: Սիթը նունպես մահացել է քաղցկեղից 2006 թվականին: