Բրիտանացի գիտնականները պրոֆեսոր Իեն Ստոուլմենի գլխավորությամբ հայտնաբերել են, որ ծխախոտը մարդու օրգանիզմը թունավորելուց բացի նաեւ դրական ազդեցություն ունի: Ըստ նրանց հետազոտությունների արդյունքների ծխախոտը օգնում է հիշողության կենտրոնացմանը եւ ուղեղի աշխատանքի բարելավմանը: Այս բացահայտումը կարող է դրդել նիկոտինային հաբերի ստեղծման, որոնք կարող են ծառայել հիշողության հետ կապված հիվանդությունների բուժման համար: Մասնագետները աշխատում են նոր պատրաստուկի ստեղծման վրա, որը կգործի թութունի ակտիվ բաղադրիչների նմանությամբ, որոնք խթանում են ուղեղի աշխատանքը, սակայն չեն առաջացնի սրտանոթային հիվանդություններ, քաղցկեղ, ինսուլտ, ինչպես նաեւ կախվածություն: Հետազոտությունները սկսվեցին այն բանից հետո, երբ լաբորատոր փորձերի ժամանակ բացահայտվեց, որ նիկոտինը բարձրացնում է ինտելեկտն ու բարելավում հիշողությունը կենդանիների մոտ: Ենթադրվում է, որ նոր պատրաստուկը վաճառքի կելնի հինգ տարուց եւ ավելի քիչ երկրորդային ազդեցություն կունենա, քան ժամանակակից դեղամիջոցները: