2007 թվականի փետրվարի 11-ին կայացած Գրեմմիին ներկայացված էր իրանցի թառահար Հուսեյն Ալիզադեի եւ հայ դուդուկահար Ջիվան Գասպարյանի համագործակցության արդյունքում ձայնագրված ՙԱնսպառ պատկեր՚ ալբոմը: Ցավոք , Ջիվան Գասպարյանին չհաջողվեց դառնալ մրցանակակիր: Այժմ հերթն Արայինն է: 2008 թվականին կայանալիք Գրեմմի մրցանակաբաշխությանը կմասնակցի Արա Գեւորգյանը "Սիրեցեք Զմիմյանս" ստեղծագործությունով: Երգի բառերի հեղինակն է ֆինլանդացի Ինկա Կոապոմսկին: Մոտ ապագայում այն կթարգմանվի մոտ քսան լեզուներով եւ կկատարվի տարբեր ազգության երգիչների կողմից: Արա Գեւորգյանը նշել է, որ սա կոչ է աշխարհի մարդկությանը` ապրել համերաշխ: Միայն այն փաստը, որ հայ մշակույթը ներկայացվում է նման վարկանիշ ունեցող մրցանակաբաշխությանը, ինչպիսին Գրեմմին է, արդեն հաղթանակ ու հպարտություն է: Հաղթանակ հայ ազգի: