Ամբողջ աշխարհում հայտնի «Բիթլզ» խմբի երաժիշտները առաջին անգամ համաձայնություն են տվել իրենց երաժշտությունը համակարգչային խաղում օգտագործելու համար: Apple ընկերությունը MTV Games-ի համագործակցությամբ պայմնագիր է կնքել Փոլ Մակքարտնիի եւ Ռինգո Սթարի հետ` նոր համակարգչային խաղի ստեղծման վերաբերյալ: - Այս նախագիծը հրաշալի գաղափար է, որը «Բիթլզ»-ին եւ նրա երաժշտությանը էլ ավելի հայտնի կդարձնի,- նշել է Փոլ Մակքարտնին: Նա նաեւ ասել է, որ ցանկանում է, որպեսզի մարդիկ ավելի շատ բան իմանան երաժշտության «հակառակ կողմի» մասին: Ինչպես նշել են նախագծի հեղինակները` խաղը ստեղծվելու է մեկ այլ համակարգչային խաղի` երիտասարդության մեջ լայն տարածում գտած Rock Band-ի, անալոգով: Նոր խաղում խաղացողին հնարավորություն կտրվի իրականացնել երաժշական երազանքները. Նվագել տարբեր երաժշտական գործիքների վրա եւ ինչու չէ նաեւ երգել սիրելի խմբի երգերը կարաոկե տարբերակով: Որպեսզի խաղացողները կարողանան իսկական համերգ կազմակերպել, կատարելով ռոք հիթեր, խաղի հետ կցվելու են հատուկ երաժշտական գործիքներ: Նորույթը կփողարկվի 2009 թվականին: Ըստ վերլուծաբանների գնահատականի համակարգչային նոր խաղը միայն ԱՄՆ-ում կարող է շուրջ 1,2 միլիարդ դոլարի եկամուտ ունենալ: 2008 թ.-ի օգոստոսի վերջին Մեծ Բրիտանիայի աուկցիոնում 9,8 ֆունտ ստերլինգով վաճառվեց լեգենդար խմբի անդամների կարամամբ կատակների պարունակությամբ ժապավենը: Այն հայտնաբերվել էր Անգլիայի հյուսիսում տներից մեկի ավտոտնակում: Մեկ ու կես ժամ տեւողությամբ այդ ձայնագրությունը կատարվել է 1964 թվականին, երբ «Բիթլզ»-ն աշխատում էին «I`ll Follow The Sun» երգի վրա, որը հետագայում տեղ զբաղեցրեց «Beatles for Sale» ալբոմում: Նույն թվականի հունիսին լոնդոնյան Christie's աուկցիոնում «Sgt. Pepper's Lonely Hearts Club Band» ալբոմի պաստառին հավերժացած թմբուկի կաշին վաճառվեց 541250 ֆունտ ստեռլինգով: