Ջորջիայի ինստիտուտի աշխատակից Մեյսոմ Գովանլուի կողմից մշակված Tongue Drive համակարգը զգալի կմեծացնի ամբողջովին կաթվածահար մարդկանց հնարավորությունները: Այդ համակարգի հիմքում ընկած է շատ փոքր չափերի մագնիսաքարի օգտագործումը, որը պատվաստվում է հիվանդի լեզվին: Մարդու ձեռքերին ու ոտքերին գլխուղեղից ազդանշանները հասնում են անցնելով ողնաշարով: Իսկ լեզուն ազդանշաններն ստանում է անմիջականորեն գլխուղեղից` գանգուղեղային ներվի միջոցով, որը անվնաս է մնում ողնաշարի ուժեղ վնասվածքների ու միջմկանային հիվանդությունների դեպքում: Այդ իսկ պատճառով մագնիսաքարը պատվաստվում է հենց լեզվին: Tongue Drive համակարգը թույլ կտա ղեկավարել ինչպես համակարգիչը, այնպես էլ հիվանասայլակը: Ամերիկացի հետազոտողները այժմ ուսումնասիրում են այս համակարգի օգտագործման հնարավորությունը արդեն մշակված համակարգչային ծրագրերով, ինչպիսիք են խոսքի սինթեզատորը կամ տեքստային ֆայլերն արտաբերող ծրագիրը: