Գերմանիան ներկայացնող հայազգի բռնցքամարտուհի Սյուզան Կենտիկյանը ամերիկուհի Մարի Օրտեգայի հետ մրցամարտում հաղթելով` պաշտպանեց թեթեւ քաշում WBA եւ WIBF վարկածով չեմպիոնական տիտղոսները: Կենտիկյանի արագ կատարած կոմբինացիան եզրափակող ծնոտին ուղղված կարճ աջ հարվածը գետնին տապալեց ամերիկուհուն: Օրտեգան կարողացավ ոտքի կանգնել, սակայն մի քանի վայրկյան անց կրկին գետնին հայտնվեց: Մրցավարն ստիպված դադարեցրեց մրցամարտը, քանի որ ամերիկուհին այլեւս չէր կարողանում պաշտպանվել Սյուզանի հուժկու հարվածների տեղատարափից: Մարտն ավարտվեց առաջին ռաունդի 2-րդ րոպեի 53-րդ վայրկյանին հմայիչ եւ ուժեղ հայուհու հաղթանակով: Այս հաղթանակից հետո Սյուզանն ընդհանուր հաշվով մասնակցել է 21 մրցամարտի եւ տարել 21 հաղթանակ, որից 16 նոկաուտով:
