Առաջին համբույր - Համբույր - Կին եւ տղամարդ - Ընթերցասրահ - ԿԱԹԻԼ
Կաթիլ Երկուշաբթի, 05.12.2016, 20:30
| RSS
ԿԱԹԻԼ

ԸՆԹԵՐՑԱՍՐԱՀ
Համբույր [4]

Գլխավոր » ԸՆԹԵՐՑԱՍՐԱՀ » Կին եւ տղամարդ » Համբույր

Առաջին համբույր
ՀամբույրԱռաջին համբույրը հեշտ չի տրվում: Երբեմն դա իսկական փորձություն է դառնում մարդու համար:
Մի վախեցիր լինել ամաչկոտ: Եթե առաջին համբույրից առաջ սիրտդ ուժեղ է բաբախում, ծնկներդ դողում են, ձեռքերիդ ափերը քրտնում են, դա նորմալ է: Մի մտածիր դրա համար: Ինչ կարելի է առաջարկել նման իրավիճակում: Մի շտապիր: Սկսիր ձեռքի համբույրից: Այդպիսով դու աստիճանաբար կհաղթահարես քո ամաչկոտությանը: Բացի այդ աղջիկը կհասկանա, որ դու դաստիարակված ու ազնիվ մարդ ես:
Մի վախեցիր, որ քո համբույրը դուր չի գա աղջկան: Չկա սխալ ու ճիշտ համբույր: Եթե աղջիկն անտարբեր չէ քո նկատմամբ, նա անպայման կգտնի միջոց քեզ հուշելու, թե ինչպես կցանկանար, որ համբուրես իրեն: Իսկ եթե անտարբեր է, ապա ինչի±դ է պետք համբուրվել նրա հետ:

ԻՆՉՊԵՍ ՀԱՍԿԱՆԱԼ` ԵՐԲ Է ԱՂՋԻԿՆ ՈւԶՈՒՄ, ՈՐ ԻՐԵՆ ՀԱՄԲՈւՐԵՍ

Ամեն իրավիճակ յուրահատուկ է եւ ճշգրիտ ենթադրություն անել գրեթե անհնար է: Մանավանդ, եթե հաշվի առնես, որ ամեն աղջիկ յուրահատուկ է: Սակայն բոլոր իրավիճակների ու աղջիկների համար կան որոշակի ընդհանուր բաներ:
Եթե աղջիկը այս ու այն կողմ է նայում ու ոչ մի կերպ չի ուզում կենտրոնացնել իր ուշադրությունը քո վրա, ապա դժվար թե նրա էմոցիան հասունացած լինի համբույրի համար: Իսկ եթե նա անթարթ նայում է ուղիղ աչքերիդ մեջ չթեքելով հայացքը, այն դեպքում երբ դու էլ նույն կերպ նրա աչքերին ես նայում, ապա ամենայն հավանականությամբ նա իրեն լավ է զգում քեզ հետ ու ցանկանում է, որ իրեն համբուրես:
Աղջկա ցանկությունը կարելի է հասկանալ նաեւ այն բանից, թե որքան է նա քեզ մոտենում: Մարդաբան Է. Տ. Հոլլը իր ՙԱնտեսանելի Հեռավորություն՚ գրքում ապացուցում է, որ գոյություն ունի հարաբերության 4 զոնա`.

Հասարակական հարաբերությունների զոնա (անծանոթ մարդկանց համար) - 3,5 մ-ից ավել: 
Սոցիալական հարաբերությունների զոնա (ծանոթ մարդկանց համար) - 1,2-3,5 մ: 
Սեփական հարաբերության զոնա (մտերիմների ու հարազատների համար) - 0,5-1,2 մ: 
Ինտիմ հարաբերության զոնա - 0-0,5 մ:

Պետք է նաեւ նշել, որ աղջկա մոտ ինտիմ հարաբերության զոնան քիչ ավելի փոքր է, քան տղայի մոտ:
Մարդկանց մեծ մասն իրենց առաջին համբույրը ճաշակում են 10-14 տարեկանում: Սակայն պետք չի անհանգստանալ այն բանի պատճառով, որ դու արդեն 16 տարեկան ես ու դեռ չես համբուրվել: Լինում է այնպես, որ մարդիկ առաջին անգամ համբուրվում են 20-ն անց տարիքում: Մի շտապիր: Չէ որ, կարեւորն այն չէ թե երբ, այլ ում հետ:

ԻՆՉՊԵՍ ՀԱՄԲՈՒՐԵԼ ԱՌԱՋԻՆ ԱՆԳԱՄ

Բռնիր աղջկա ուսերից, նրբորեն ձգիր դեպի քեզ: Մատների ծայրերով դիպչիր նրա մազերին, ասա որեւէ հաճելի խոսք: Պարտադիր չէ անմիջապես զարմացնել աղջկան համբույրի տեխնիկայով: Ուղղակի շուրթերով հպվիր նրա շուրթերին: Ահա եւ քո առաջին համբույրը, որից հետո ամեն ինչ ավելի հեշտ կլինի: 
Եթե դու դեռ վախենում ես համբուրել աղջկա շուրթերը, համբուրիր նրա ականջը, պարանոցը: Կարեւորը, որ համբույրը նուրբ լինի եւ համոզիչ, որ աղջիկն իսկապես քեզ դուր է գալիս: Իսկ նա անպայման կնկատի ու կհասկանա դա:
Խորագիրը`. Համբույր
Ընթերցել են 10981 հոգի
ՈՐՈՆՈւՄ

ՄԵՐ ԸՆԿԵՐՆԵՐԸ

ՎԻՃԱԿԱԳՐՈւԹՅՈւՆ

Copyright KATIL © 2016Конструктор сайтов - uCoz